काठमाडौं, माघ २५ । आज फेब्रुअरी ७ अर्थात आजको दिनदेखि प्रेमिल जोडिहरुका लागि महोत्सवको माहौल प्रारम्भ भएको छ । आजदेखि फेब्रुअरी १४ अर्थात भ्यालेन्टाइन्स डेका दिनसम्म भ्यालेन्टाइ वीक मनाइन्छ ।
त्यसै पनि फेब्रुअरी महिना प्रारम्भ हुने बित्तिकै युवा पुस्तामा एक प्रकारको उत्साह देख्न पाइन्छ । किनभने यो महिनालाई प्रेमको महिनाको रुपमा लिने गरिन्छ ।
भ्यालेन्टाइन सप्ताह विश्वभरि नै युवादेखि विवाहित जोडीहरूले धूमधाम र रमाइलोसँग मनाउँछन् । यो त्यो समय हो, जब प्रेमी-प्रेमिका एक-अर्कासँग विभिन्न तरिकाले आफ्नो प्रेम व्यक्त गर्छन् । प्रेम व्यक्त गर्ने कुरामा गुलावको फूल आफ्नो साथमा भएन भने प्रणय दिवसको अर्थ नै छैन ।
भ्यालेन्टाइन सप्ताहको पहिलो दिन अर्थात आज शुक्रवार प्रेमिल जोडिहरुले रोज डेको रुपमा सेलिब्रेट गर्छन् । रोज डे भ्यालेन्टाइन सप्ताह प्रारम्भको प्रतीक पनि हो । रोज डेको पनि आफ्नो विशेष महत्व छ । गुलावको फूल प्रेम, जोश र पवित्रताको प्रतीक मानिन्छ । त्यस्तै गुलावको फूल विभिन्न रंगका हुने गर्छन्, जसले रङकै आधारमा प्रेमको परिभाषा दशाउँछ ।
रातो गुलाब
रातो रङ्ग प्रेम र जोशको संकेत हो । प्रायः प्रेमको प्रस्ताव राख्न र आफ्ना प्रियजनसँग वाचा गर्न रातो गुलावको फूलको प्रयोग गरिन्छ । रातो गुलावले रोमान्सलाई सबैभन्दा साँचो रूपमा देखाउँछ ।
सेतो गुलाव
सेतो गुलाव प्रेम, सम्मान र इज्जतको प्रतीक हो र प्रायः सजावटमा वा ती व्यक्तिहरूलाई उपहार दिन प्रयोग गरिन्छ, जसलाई हामी हाम्रो जीवनमा महत्व दिन्छौँ ।
नीलो गुलाव
नीलो रङ्ग संवेदनशीलता र भावनात्मक शक्तिको प्रतीक हो । अरूलाई नीलो गुलाव उपहार दिनु भनेको हामी तिनीहरूप्रति कति भावनात्मक संवेदनशीलता राख्छौँ भन्ने कुरा व्यक्त गर्नु पनि हो ।
गुलावी गुलाव
यो रंगको गुलाव स्त्रीत्व, सौन्दर्य र लाजको प्रतीक हो । जब हामी कसैलाई उनको सुन्दरताको र शालीनताको लागि मन पराउँछौँ भने हामी तिनीलाई गुलाबी गुलाव दिन सक्छौँ।
पहेँलो गुलाव
यो गुलाव मित्रता, तातोपना, खुशी र राम्रो भाइब्सको प्रतीक हो । प्रायः साथीहरू एकअर्कालाई पहेँलो गुलाव दिएर भेट गर्छन् ताकि तिनीहरूले के देखाउन सक्छन् भने उनीहरुलाई साथीको महत्त्व छ ।
पिच गुलाव
पिच रङ्ग सहानुभूति, विनम्रता र इमानदारीको संकेत हो । प्रेमीहरूले प्रायः आफ्नो सम्बन्धमा इमान्दारिता व्यक्त गर्न एक अर्कालाई पिच गुलाव उपहार दिने गर्छन् ।
