काठमाडौं, माघ २७ । नेपाल प्रहरीको केन्द्रीय अनुसन्धान ब्यूरो (सिआइबी)ले गैँडाको सिङ्ग तस्करी गरेको आरोपमा १५ जनालाई पक्राउ गरेको छ ।
सूचनाको आधारमा सिआइबीको टोलीले माघ १९ गते काठमाडौं–७ सरस्वतीनगरबाट ५२२ ग्राम तौलको गैँडाको सीङसहित दुई जनालाई पक्राउ गरेको थियो भने बाँकी १३ जनालाई पछि पक्राउ गरिएको थियो । पक्राउ परेकाहरुलाई थप अनुसन्धानका लागि डिभिजन वन कार्यालय काठमाडौंमा बुझाइएको सिआइबीका प्रहरी उपरीक्षक सञ्जयसिंह थापाले जानकारी दिए ।
