बुटवल माघ २७ । लुम्बिनी प्रदेशका मुख्यमन्त्री लीला गिरीले प्रदेश मन्त्रिपरिषद् विस्तारको अन्तिम तयारी गरेका छन् । आज नभए आइतबारसम्ममा नयाँ मन्त्रीहरुलाई पद तथा गोपनियताको सपथ गराउने तयारी भइरहेको छ ।
मुख्यमन्त्री नियुक्त भएको एक महिनामा पनि मन्त्रिपरिषद् विस्तार हुन नसकेको भन्दै सरकारको आलोचना भइरहेको छ । सत्ता बाँडफाँडमा दलहरु सहमत हुन नसकेपछि मन्त्रिपरिषद् विस्तारमा ढिलाइ भएको हो ।
प्रदेशसभामा प्रतिनिधित्व गर्ने १० दलमध्ये ५६ र दुई स्वतन्त्र सदस्यसहित ५८ सदस्यको समर्थनमा गत माघ १२ गते मुख्यमन्त्रीमा नियुक्त भएका गिरीले माघ १९ गते ५९ सदस्यबाट विश्वासको मत लिएका थिए ।
गिरीले आफूसँगै एमालेका चेतनारायण आचार्य र माओवादी केन्द्रका कृष्ण केसीलाई विना विभागीय मन्त्री बनाएका थिए । उनीहरुलाई अहिलेसम्म कुनै पनि मन्त्रालयको जिम्मेवारी दिइएको छैन ।
यो खबर पढेर तपाईलाई कस्तो महसुस भयो ?
+1
+1
+1
+1
+1
