काठमाडौं, पुस १७ । च्याउ सस्तिएको छ । कालीमाटी होलसेल बजारमा एक महिनाअघि औसत २२५ रुपैयाँ प्रतिकिलो रहेको कन्य च्याउ अहिले १ सय रुपैयाँमा झरेको छ ।
सिजनका कारण आपूर्ति बढेसँगै कच्य च्याउ सस्तिएको हो । कालीमाटी फलफूल तथा तरकारी बजार विकास समितिका अनुसार बुधबार डल्ले च्याउ प्रतिकिलो ४००, राजा च्याउ ३०० तथा सिताके च्याउ अधिकतम ८०० रुपैयाँ प्रतिकिलोमा कारोबार भएको छ ।
च्याउका अलवा हाल काउली, ब्रोकाउली, गोलभेँडा पनि सस्तिएको छ । स्थानीय काउली प्रतिकिलो अधिकतम ३०, ब्रोकाउली ४० रुपैयाँमा झरेको छ । स्थानीय सानो गोलभेँडा ३०, भारतीय सानो गोलभेँडा ३५ तथा ठूलो गोलभेँडा ९० रुपैयाँ प्रतिकिलोमा कारोबार भएको छ ।
तरुल ८०, रातो आलु ५५, भारतीय रातो आलु ४४, प्याज ७२, स्थानीय बन्दा ३०, लाम्चो भन्टा ५०, डल्ले भन्टा ६० रुपैयाँ प्रतिकिलोमा कारोबार भएको छ । घिउ सिमी ८०, टाटे सिमी ६०, तिते करेला ११०, लौका ६०, भिन्डी १००, सखरखण्ड १००, बरेला ४०, इस्कुस ३५ रुपैयाँ प्रतिकिलोमा कारोबार भएको छ ।
