काठमाडौं, मंसिर ३ । आज सुनको भाउ प्रतितोला १ हजार रुपैयाँले बढेको छ ।
नेपाल सुन–चाँदी व्यवसायी महासंघका अनुसार सोमबार छापावाल सुन प्रतितोला १ हजार रुपैयाँले बढेर १ लाख ६१ हजार रुपैयाँ कायम भएको छ । यसअघि, आइतबार छापावाल सुनको भाउ १ लाख ६० हजार रुपैयाँ कायम भएको थियो ।
यता, आज चाँदीको भाउ पनि तोलामा १५ रुपैयाँले बढेर तोलाको १९ सय २० रुपैयाँ कायम भएको छ । आइतबार चाँदीको भाउ प्रतितोला १९ सय ५ रुपैयाँ कायम रहेको थियो ।
अन्तर्राष्ट्रिय बजारमा आज सुन प्रतिऔंस २ हजार ५९२.७४ र चाँदी प्रतिऔंस ३०.७१ डलरमा कारोबार भइरहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
