काठमाडौं, मंसिर ३ । युरोपेली नेसन्स कपमा आइतबार फ्रान्सले इटालीलाई ३-१ ले हराएको छ ।
लिग ए समूह २ बाट क्वाटरफाइनलमा पुगिसकेका दुई टोलीबीच नतिजापछि फ्रान्स समूह विजेता बनेको छ । एक गोलको अन्तरले पराजित भएको अवस्थामा इटाली समूह विजेता बन्ने समीकरण थियो ।
सानसिरोमा भएको खेलमा फ्रान्सका मिडफिल्डर रेबियटले २ गोल गरे भने अर्को गोल आत्मघाती भएको थियो। इटालीका आन्द्रो काम्बासियोले गोल गरे ।
रेबियटले दोस्रो मिनेटमा गोल गर्दै टोलीलाई अघि बढाए । ३३ औं मिनेटमा इटालीका भिकारियोले आत्मघाती गोल गरे। ३५औं इटालीका काम्बिसियो गोलले इटालीले खेलमा फर्कने कोशिस गर्यो। ६५ औं मिनेटमा रेबियटले अर्को गोल गरे ।
सन् १९८३ यता घरेलु मैदानमा इटालीको यो सबैभन्दा ठूलो अन्तरको हार पनि हो । सोही समूहको अर्को खेलमा इजरायलले बेल्जियमलाई १-० ले हरायो ।–एजेन्सी
