वासिङ्टन डीसी, कार्तिक २१ । अमेरिकी राज्य पेन्सिल्भेनियामा आधाभन्दा बढी मतगणना भइसकेको छ । अहिलेसम्मको मतगणनामा डोनाल्ड ट्रम्प अगाडि छन् भने कमला ह्यारिसले उनलाई पछ्याइरहेकी छिन् ।
अन्य राज्यहरूको तुलनामा, पेन्सल्भेनियामा धेरै १९ इलेक्टोरल कलेज भोट छ । यस्तो अवस्थामा रिपब्लिकन र डेमोक्रेटिक पार्टीका लागि यो राज्यमा जित महत्त्वपूर्ण हुनेछ ।
पेन्सिलभेनियामा पनि मतगणना बिस्तारै भइरहेको छ । यहाँको कानुनअनुसार मेलबाट प्राप्त मतपत्रको मतगणना निर्वाचनको दिनसम्म सुरु गर्न पाइँदैन । यस्तो अवस्थामा २०२० को चुनावमा जस्तै राज्यमा कसले जित्ला भनेर पत्ता लगाउन धेरै दिन लाग्न सक्छ ।
सन् ०१६ को राष्ट्रपतीय निर्वाचनमा ट्रम्पले यहाँ शून्य दशमलव ७२ प्रतिशत मतको अन्तरले जित हासिल गरेका थिए भने सन् २०२० मा भएको राष्ट्रपतीय निर्वाचनमा बाइडेन १ दशमलव १७ प्रतिशत मतान्तरले विजयी भएका थिए । यस्तो अवस्थामा ट्रम्प र ह्यारिसबिच यसपटक कसले जित्ला भन्ने अनुमान गर्न गाह्रो छ ।
