काठमाडौं, कार्तिक १४ । टिकटकको माउ कम्पनी बाइटडान्सका संस्थापक झाङ यिमिङ हाल चीनका सबैभन्दा धनी व्यक्ति बनेका छन् । उसले नोंगफु स्प्रिङका झोंग शान्शानलाई उछिनेका छन् ।
यिमिङको कुल सम्पति करिब ४९.३० अर्ब डलर पुगेको छ । जसको मुख्य स्रोत बाइटडान्सको निजी बजार मूल्यांकनमा आधारित छ । जुन लगभग २१७ अर्ब डलर रहेको छ ।
बाइटडान्सले अमेरिकामा टिकटकको स्वामित्वलाई लिएर राजनीतिक दबाब सामना गर्दै आएको छ भने चीनमा प्रविधि क्षेत्रमा आईरहेको मन्दीले धेरै कम्पनीको मूल्यांकन घटाएको छ ।
यद्दपि, झाङ चीनको धनीको सूचीमा शीर्ष स्थानमा पुगेका छन् । तर चीनमा कुल अर्बपतिहरुको संख्या भने घटेको छ । यो कमी चीनको रियल स्टेट क्षेत्रको आर्थिक चुनौतीसँगै प्रविधि कम्पनीहरुमाथि जारी नियामक नियन्त्रणका कारण देखिएको छ । जसले धेरै व्यावसायिकको आर्थिक स्थिति कमजोर बनाएको अन्तर्राष्ट्रिय सञ्चार माध्यमहरुले जनाएका छन् ।
Published Date: 30 October 2024
