काठमाडौं, कार्तिक १४ । बुधबार नेप्से परिसूचक १४.४३ विन्दुले घटेर २६७७.६२ अंकमा अडिएको छ ।
आज २ दिनमा ७४ अंक बढेपछि बुधबार सेयर बजारमा करेक्सन आएको हो । ट्रेडरहरुले नाफा बुक गर्दा बजार प्रभावित भएको अनुमान गरिएको छ । यसअघि नेप्से लगातार २ दिन बढेको थियो । ५ अर्ब ९५ करोड रुपैयाँभन्दा बढीको सेयर कारोबार भएको छ । करिब आधा दर्जन कम्पनी सकारात्मक सर्किट लेबलमा कारोबार भएका छन् । १३ मध्ये ३ वटा समूहका सूचक मात्र हरिया देखिएका छन् ।
आज ३०५ कम्पनीको १ करोड २० लाखभन्दा बढी कित्ता सेयर कारोबार भएको छ । ३४ करोड १७ लाख रुपैयाँसहित कारोबार रकममा सीइडीबी हाइड्रोपावर अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः सानिमा जीआइसी इन्सुरेन्स र सोल्टी होटल परेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
