काठमाडौं, कार्तिक १३ । मंगलबार नेप्से परिसूचक ४६.६९ विन्दुले बढेर २६९२.०५ अंकमा आएको छ । आज ६ अर्ब १२ करोड रुपैयाँभन्दा बढीको सेयर कारोबार भएको छ । सबै समूहका सूचक बढेका छन् ।
आज ३१९ कम्पनीको १ करोड ३३ लाखभन्दा बढी कित्ता सेयर कारोबार भएको छ । २४ करोड ७१ लाखभन्दा बढीसहित कारोबार रकममा समृद्धि फाइनान्स सबैभन्दा अघि छ ।
यसैगरी, दोस्रो र तेस्रोमा क्रमशः पिपुल्स हाइड्रोपावर र सप्तकोशी डेभलपमेन्ट बैंक रहेका छन् ।