काठमाडौं, माघ २४ । प्रधानमन्त्री पुष्पकमल दाहाल र नेकपा एमालेका अध्यक्ष केपी शर्मा ओलीबीच राष्ट्रपतिको निर्वाचनका विषयमा छलफल भएको छ ।
प्रधानमन्त्री निवास बालुवाटारमा मंगलबार भएको छलफलमा राष्ट्रपतिको निर्वाचन, सरकारको प्रशासन, समसामयिक राजनीति र सरकारबाट राष्ट्रिय स्वतन्त्र पार्टीको निकासका विषयमा छलफल भएको ओलीको सचिवालय स्रोतले जनाएको छ ।
एक महिनापछि राष्ट्रपतिको निर्वाचन हुँदैछ । सरकार गठनका क्रममा नेकपा एमाले र नेकपा (माओवादी केन्द्र)बीच प्रधानमन्त्री पद माओवादी केन्द्रले लिने र राष्ट्रपतिको पद एमालेले लिने सहमति भएको थियो । तर पछिल्लो समय प्रधानमन्त्री दाहालले राष्ट्रिय सहमतिबाटै राष्ट्रपति बनाउनुपर्नेमा जोड दिँदै आएका छन् ।
Published Date: 07 February 2023
