काठमाडौं, असोज २३ । सुनको भाउ लगातार ४ दिन घटेको छ । यो ४ दिनमा सुनको भाउ २२ सय रुपैयाँले घट्न पुगेको छ । नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला १००० रुपैयाँले घटेर १ लाख ५९ हजार १०० रुपैयाँ कायम भएको छ ।
मंगलबार छापावाल सुन प्रतितोला १ लाख ६० हजार १०० रुपैयाँ कायम रहेको थियो । यसअघि आइतबार, सोमबार र मंगलबार सुनको भाउ क्रमशः प्रतितोला ३००, ५०० र ४०० रुपैयाँले घटेको थियो ।
आज चाँदीको भाउ पनि तोलामा ४० रुपैयाँले घटेर १९ सय रुपैयाँ कायम भएको छ । मंगलबार चाँदीको भाउ प्रतितोला १९ सय ४० रुपैयाँ कायम रहेको थियो ।