काठमाडौं, माघ २३ । राष्ट्रियसभाको उपसभामुखमा नेकपा (माओवादी केन्द्र)की सांसद उर्मिला अर्याल निर्विरोध भएकी छन् । आज हुने निर्वाचनका लागि आइतबार उम्मेदवारी दर्ताका क्रममा उपराष्ट्रपति पदका लागि मात्रै उम्मेदवारी परेपछि उनी निर्विरोध भएकी हुन् ।
आज दिउँसो १२ बजे बस्ने राष्ट्रियसभाको बैठकमा अर्याल उपराष्ट्रपतिमा निर्विरोध निर्वाचित भएको घोषणा गर्न लागिएको हो । एमाले र माओवादी केन्द्रको सहमतिमा माओवादी केन्द्रले उपाध्यक्ष पद पाएको हो । नेपाली कांग्रेसले उम्मेदवार बनेकी अर्याललाई प्रतिद्वन्द्वी नदिई निर्विरोध हुन सघाएको छ ।
अर्यालले नयाँ बानेश्वरस्थित संसद भवनको ल्होत्से हलमा उम्मेदवारी दर्ता गराएकी हुन् । उनको नाम माओवादी केन्द्रका नारायणकाजी श्रेष्ठ, एमालेका देवेन्द्र दाहाल र स्वतन्त्र सांसद खिमलाल देवकोटाले प्रस्ताव गरेका थिए ।
पर्साको वीरगन्ज महानगरपालिका–२३ गण्डकचोकको स्थायी ठेगाना रहेको ६६ वर्षीय अर्याल २०२२ फागुनदेखि राष्ट्रियसभामा सांसद हुन् । शशिकला दाहालको चार वर्षे कार्यकाल सकिएपछि उपाध्यक्ष पद रिक्त भएको थियो ।
Published Date: 06 February 2023
