काठमाडौं, भदौ २३ । सुनको भाउ आज तोलामा १२ सय रुपैयाँले घटेको छ ।
नेपाल सुन–चाँदी व्यवसायी महासंघका अनुसार आइतबार छापावाल सुनको भाउ प्रतितोला १२ सय रुपैयाँले घटेर १ लाख ५२ हजार १०० रुपैयाँ कायम भएको छ । यसअघि शुक्रबार (भदौ २१ गते) सुनको मूल्यमा नयाँ रेकर्ड कायम भएको थियो ।
सो दिन छापावाल सुन प्रतितोला १ लाख ५३ हजार ३०० रुपैयाँमा कारोबार भएको थियो । यता, आज चाँदीको भाउ पनि तोलामा ४५ रुपैयाँले घटेर १७ सय ५० रुपैयाँ कायम भएको छ । यसअघि शुक्रबार चाँदीको भाउ प्रतितोला १७ सय ९५ रुपैयाँ रहेको थियो ।
Published Date: 08 September 2024
