काठमाडौँ, भदौ १८ । मंगलबार नेप्से परिसूचक ६.९४ अंक बढेर २८३०.२० विन्दुमा पुगेको छ।
त्यस्तै, यस दिन सेन्सेटिभ इण्डेक्स १.२० अंक र फ्लोट इण्डेक्स ०.५६ अंक बढेको छ भने सेन्सेटिभ फ्लोट इण्डेक्स ०.६८ अंक बढेको छ।
नेप्सेसँगै आज कारोबार रकम पनि सामान्य बढेको छ। अघिल्लो कारोबार दिन अर्थात सोमबार १३ अर्ब १० करोडको शेयर खरिदबिक्री भएको बजारमा आज ३२८ स्टकको १ लाख ४४ हजार १९७ पटकको कारोबारमा १३ अर्ब ५७ करोड ७१ लाख रुपैयाँ बराबरको ३ करोड ५ लाख ९९ हजार कित्ता शेयर खरिदबिक्री भएको छ।
कारोबार रकमका आधारमा आज एनएलजी इन्स्योरेन्स शीर्ष स्थानमा रहेको छ। सो इन्स्योरेन्सको आज ३४ करोड ७२ लाख रुपैयाँबराबरको शेयर खरिदबिक्री भएको छ।
त्यस्तै, आज गुडविल फाइनान्सको साढे २९ करोडको शेयर कारोबार भएको छ भने सानिमा रिलायन्स लाइफ इन्स्योरेन्सको २८ करोडभन्दा बढीको शेयर किनबेच भएको छ।
Published Date: 03 September 2024
