बलिउड अभिनेत्री कंगना रनौतलाई ज्यान मार्ने धम्की

मुम्बई, भदौ ११ । बलिउड अभिनेत्री कंगना रनौतलाई ज्यान मार्ने धम्की दिइएको छ । उक्त धम्की कंगनालाई उनको फिल्म इमर्जेन्सीको ट्रेलर सामाजिक सञ्जालमा रिलिज भएपछि दिइएको हो ।

विक्की थमस सिंह, जो एक ईसाई हन्, उनले एउटा भिडियो जारी गर्दै कंगनालाई खुलेआम ज्यान मार्ने धम्कि दिँदैं भनेका छन्
– ‘यदि फिल्ममा मारिएका खालिस्तानी नायक जर्र्नेल सिंह भिन्डरावालेलाई आतंकवादीको रुपमा देखाइयो भने सम्झनुहोस् इन्दिरा गान्धीसंग के भएको थियो ? जसको फिल्म तपाईँ बनाउँदै हुनुहुन्छ । सतवन्त सिंह र बेअंत सिंह को थिए ? हामी सन्तजीका लागि आफ्नो शीर अर्पित गर्नेछौँ र जसले शीर अर्पित गर्न सक्छ, उसले शीर काट्न पनि सक्छ ।’

योसंगै सिख संगठनले कंगनाको फिल्म इमर्जेन्सीलाई प्रतिवन्ध लगाउन पनि माग गरेको छ । संगठनका अनुसार फिल्ममा सिख कम्यूनिटीलाई ब्याड लाइट्समा देखाउने कोशिश गरिएको छ । यद्यपि फिल्म सेप्टेम्बर ६ मा रिलिज हुनु पर्नेमा अहिलेसम्म यसको ट्रेलर मात्र रिलिज गरिएको छ ।

कंगनाको सिख समुदायसंग चलिरहेको यो विवाद पुरानो हो । एकातिर कंगनाको प्रदर्शनको तयारीमा रहेको फिल्मले कट्टरपन्थी सिख संगठनलाई आक्रोश उत्पन्न गराएको छ भने २०२१ मा किसान आन्दोलनको क्रममा भएको दुई अपराधिक घटना उजागर गर्ने किसिमको कंगनाको अभिव्यक्तिले किसान यूनियन नेताहरु उनीसँग रिसाएका थिए ।

भर्खरै पनि कंगनाले दिएको अन्तर्वार्तामा भारतका पूर्व प्रधानमन्त्री रहेकी इन्दिरा गान्धीको अलगाववादी र खालिस्तानिहरुविरुद्ध लिएको एक्शनलाई पनि सही ठहराएकी छिन् । यो कुराले पनि कंगनाका लागि समस्या उत्पन्न गराउने भएको छ ।