काठमाडौं, भदौ ९ । काठमाडौंमा जारी साफ यू–२० च्याम्पियनसिपको सेमीफाइनलका खेल आइतवारदेखि प्रारम्भ हुँदैछ । सेमीफाइनलको पहिलो खेलमा आज नेपालले भुटानको सामना गर्दैछ ।
सातदोबाटोस्थित एन्फा कम्प्लेक्समा हुने यो खेल दिउँसो ३ बजेदेखि प्रारम्भ हुनेछ ।
यो प्रतियोगितामा नेपाल समुह ए का दुवै खेल जितेर समुह विजेता हुँदै सेमीफाइनल खेल्दैछ । नेपालले समुह चरणमा श्रीलंकालाई १–० ले बंगलादेशलाई २–१ गोल अन्तरले पराजित गरेको थियो ।
त्यस्तै भुटान भने समुह बी मा उपविजेता भन्दै सेमीफाइनलमा खेल्दै छ । भुटानले माल्दिभ्सलाई २–१ ले पराजित गरेको थियो भने भारतसँग १–० ले पराजित भएको थियो ।
त्यस्तै दोस्रो सेमीफाइनल खेल भारत र बंगलादेशबीच सोमवार हुनेछ । प्रतियोगिताको फाइनल खेल बुधवार हुने तालिका रहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
