काठमाडौं, माघ २१ । संस्कृति, पर्यटन तथा नागरिक उड्डयनमन्त्री सुदन किराँतीले त्रिभुवन अन्तर्राष्ट्रिय विमानस्थलको सुधार सन्तोषजनक नभएको बताउनुभएको छ ।
आज बिहान विमानस्थलको अनुगमन गर्न आएका मन्त्री किराँतीले असन्तुष्टि जनाएका छन् । तुलनात्मक रुपमा विमानस्थलको सुधार भइरहेको भए पनि सन्तोषजनक रुपमा सुधार हुन नसकेको उनले बताए ।
किराँतीले सुधार कार्यक्रमलाई निरन्तरता दिन अधिकारीहरुलाई निर्देशन दिए । यसअघिको अनुगमनमा भएका निर्देशनको सन्तोषजनक कार्यान्वयन हुन नसकेको उनले बताए ।
मन्त्री किराँतीले आज बिहान त्रिभुवन अन्तर्राष्ट्रिय विमानस्थलको निरीक्षण गरेका छन् । गत माघको पहिलो साता विमानस्थलको अनुगमन गर्दा मन्त्री किराँतीले शौचालय सफा राख्न र आगमन र प्रस्थान हललाई व्यवस्थित र सुरक्षित बनाउन निर्देशन दिएका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
