काठमाडौँ, साउन १३ । आइतबार सुनको मूल्य बढेको छ । आज प्रतितोला रू एक हजारले बढेको हो।
शुक्रबार छापावाला सुन १ लाख ४४ हजार ७०० रुपैयाँमा कारोबार भएको थियो । आइतबार भने तोलामा १ हजार रुपैयाँ बढेको छ । आज छापावाला सुन प्रतितोला १ लाख ४५ हजार ७०० रुपैयाँमा कारोबार भइरहेको छ ।
त्यस्तै यो दिन तेजावी सुनको मूल्य पनि १ हजार रुपैयाँले बढेर प्रतितोला १ लाख ४५ हजार रुपैयाँमा कारोबार भइरहेको छ । यो दिन चाँदी तोलाको १ हजार ७४० रुपैयाँमा कारोबार भइरहेको छ । अघिल्लो कारोबार दिन बुधबार चाँदी तोलाको १ हजार ७३० रुपैयाँमा कारोबार भएको थियो ।
नेपाल सुनचाँदी व्यवसायी महासंघले यो दिन प्रति १० ग्राम छापावाल सुनको मूल्य १ लाख २४ हजार ९१५ रुपैयाँ, प्रति १० ग्राम तेजावी सुनको मूल्य १ लाख २३ हजार १५ रुपैयाँ र प्रति १० ग्राम चाँदीको मूल्य १ हजार ४९२ रुपैयाँ तोकेको छ ।
Published Date: 28 July 2024
