काठमाडौं, माघ २० । आजदेखि नयाँ नेपाली चलचित्र ह्यारी कि प्यारी प्रदर्शनमा आएको छ ।
डा.भोलि रिजालद्वारा निर्माण गरेको यो चलचित्रको निर्देशन उनका दन्त चिकित्सक छोरा डा.कपिल रिजालले निर्देशन गरेका हुन् । झण्डै दुई दशकपछि डा.भोला रिजालले यही चलचित्रमार्फत निर्माताको रुपमा पुनरागमन गरेका छन् । डा.कपिल रिजालले यही चलचित्रबाट फिल्म निर्देशनमा डेब्यु गरेका हुन् ।
फिल्ममा हास्य अभिनेता जीतु नेपाल मुख्य अभिनेताको रुपमा प्रस्तुत भएका छन् । उनलाई अभिनेत्री साम्राज्ञी राज्यलक्ष्मी शाहले साथ दिएकी छिन् ।
फिल्म प्रदर्शनमा आउनु केही दिनअघि काठमाडौं गरिएको प्रीमियर शोमा यो फिल्मले सकारात्मक प्रतिक्रिया पाएको छ । यो फिल्ममा अभिनेत्री रेखा थापालाई एउटा आइटम गीतमा प्रस्तुत गरिएको छ ।
यो फिल्ममा डा. भोला रिजालका शब्द रचना, शिखर सन्तोष र युग भुसालको संगीत, सपनकुमार राई, सौभर दास, थोम्सन एन्ड्रयुज, मीना निरौला र देवाञ्जलि जोशीको गायन तथा कविराज गहतराजको कोरियाग्राफी छ । देशव्यापी प्रदर्शनमा आएको यो चलचित्रलाई नेपालको क्यूएफएक्सले झण्डै दुई दर्जन शो दिएको छ ।
Published Date: 03 February 2023
