भक्तपुर, असार २८ । साइकल कनेक्ट भक्तपुरले यहि साउन ५ गते हुने कोरा भक्तपुरलाई लक्षित गर्दै साइकल संस्कृतिबारे अन्तरक्रिया गर्ने भएको छ।
यहि असार ३० गते आइतबारका दिन दिउँसो ४ बजे लिवालीको बालविकास स्कुलमा सो अन्तरक्रिया गर्न लागेको हो। बागमती प्रदेशका सांसद सुरेन्द्रराज गोसाईको प्रमुख आतिथ्यतामा हुने सो कार्यक्रममा विभिन्न व्यक्तित्वले आफ्नो क्षेत्रको विचार आदान प्रदान गर्ने पनि जनाइएको छ।
जस अन्तर्गत व्यवसायी सम्बन्धि चर्चा परिचर्चा गर्न कृष्ण भक्त दुवाल, वातावरणका लागि कमला राज गोसाई, महिला विचारका लागि दया लक्ष्मी श्रेष्ठ, पर्यटनका लागि दिपेशराज शर्मा, स्थानिय संस्कृति तथा युवाका लागि प्रेम खर्बुजा, स्वास्थ्य विषयका लागि डा निरब कायस्थ, शिक्षाका लागि कमिनिका न्याइच्याई लगायतका व्यक्तित्व हुनेछन्।
Published Date: 13 July 2024
