किसानहरु रमाउदैछन् (कविता)

वर्षाले हेर सबै तिर
छाएको छ हरियाली
किसानहरु रमाउदैछन
बोकेर कोदाली ।

मानो रोपी मुरी
फलाउने महिना हो असार
के साँझ के बिहान
किसानलाई छ नी हतार ।

असारे भाका किन न हो
आजकल सुनिन छोडियो
आधुनिकताको पछ्यौरीले
संस्कृति मिचियो ।

भाषा र संस्कृति कता हो गए
कस्ले बचाउने हो
आधुनिकतामा कसरी अब
यो मन रमाउने हो ।

खेतका गह पानी
राखे धान रोप्न भनेर
रोपार र लाठे रमाए
हेर खेती गर्न पाएर ।

कतै खुसी कतै दुख
ल्यायो नी वर्षाले
बाढी र पहिरो धनजन
क्षती गरायो वर्षाले

दिगो विकासका अवधारणा
अब सबैतिर ल्याउनुछ ।
प्रकृति विपतबाट हेर
सजग बन्नुछ ।

लेखक: सुनिता गाइसी