नयाँ दिल्ली, जेठ २४ । मुख्यमन्त्रीबाट लगातार भारतका प्रधानमन्त्री बन्दै आइरहेका नरेन्द्र मोदीले पहिलो पटक अब गठबन्धनको सरकारको नेतृत्व गर्ने भएका छन् ।
बुधवार एनडीएमा सहभागि राजनीतिक दलहरुका प्रमुखहरुको बैठक नयाँ दिल्लीमा आयोजना गरिएको छ । उक्त बैठकमा प्रधानमन्त्री नरेन्द्र मोदीको भनाइ थियो– ‘लगातार तेस्रो सरकारका लागि एक ऐतिहासिक जनादेश हो, जुन भारतले ६० वर्षपछि पाएको छ ।’
त्यसक्रममा चन्द्रबाबू नायडू तथा नीतिश कुमारले अब समय नगुमाइ चाँडो भन्दा चाँडो सरकार गठन गर्नु पर्ने कुरामा जोड दिएका थिए ।
बैठकले भोलि शुक्रवार एनडिएको आगामी बैठक बस्नेछ र नरेन्द्र मोदीलाई एनडिएले संसदीय दलको नेता चुन्ने छ । त्यसपछि मोदीले राष्ट्रपतिसमक्ष सरकार बनाउने दावी प्रस्तुत गर्नेछन् । भनिन्छ, जेठ २६ गते शनिवार नरेन्द्र मोदीले प्रधानमन्त्रीको रुपमा आफ्नो तेस्रो सपथ लिन सक्नेछन् ।
यसैबीच, नरेन्द्र मोदीले आफ्नो शपथ ग्रहण समारोहका लागि नेपालका प्रधानमन्त्री पुष्प कमल दाहाल प्रचण्डलाई निमन्त्रणा पठाइसकेको भारतीय सञ्चार माध्यमहरुले उल्लेख छन् । मोदीले नेपालका प्रधानमन्त्रीसहित भूटानका नरेश, श्रीलंकाका राष्ट्रपति तथा बंगलादेश र मोरिशसका प्रधानमन्त्रीलाई निमन्त्रणा पठाएका हुन् ।
यसअघि नेपालका प्रधानमन्त्री दाहाल, अमेरिकाका राष्ट्रपति जो बाइडेन, रुसका राष्ट्रपति भ्लादिमिर पुटिन तथा फ्रान्सका राष्ट्रपतिको तर्फबाट मोदीलाई शुभकामना दिइसकिएको छ । बंगलादेशका प्रधानमन्त्री हसीनाले बुधवार सा“झ फोन गर्दै मोदीलाई चुनावमा पाएको जीतको वधाइ दिएकी थिइन् । त्यसक्रममा मोदीले प्रधानमन्त्री हसीनालाई आफ्नो शपथ ग्रहण समारोहमा सहभागि हुन निम्ता दिएका थिए ।
