भक्तपुर, जेठ २३ । किकम्पा मन्टेश्वरी प्रि स्कूल इतबुं,सुर्यविनायक भक्तपुरमा २०८१ जेठ २३ गते बुधबार वृक्षारोपण कार्यक्रम गरि विश्व वातावरण दिवस २०८१ सम्पन्न भएको छ।
कर्यक्रममा स्कूलका प्रिन्सिपल राजेश लाखाले विश्व वातावरण दिवस ई सं. १९७३ देखि संसार भरी मनाउन्दै आइरहेको र स्कूलले पनि स्थापना काल देखिनै विभिन्न कार्यक्रम सहित मनाउन्दै आइरहेको बताए ।
” Our land our future , We are generation restoration ” भन्ने मुल नारा सहित विश्व वातावरण दिवस – २०२४ को उद्धेश्य अनुरुप स्कूलका नानिहरु लाई वातावरण र हाम्रो जीवन चक्रमा रुख कतिको महत्त्वपूर्ण हुन्छ भने कुरा जानकारी दिए ।
एउटा रुख रोप्यो भन्ने त्यसबाट धेरै फाइदाहरु हुने जानकारी दिए । एउटा रुखले लगभग ३% तापक्रमलाई घटाउने, वातावरणमा भएका विषादी युक्त कार्बन अक्साइदले प्रत्येक वर्षमा ३ किलो अक्सिजन सोस्छ भन्ने कुराको जानकारी दिए।
हरेक वर्ष हुने कार्यक्रमको अवसरमा वृक्षारोपण र स्कुल आँगन सफा गर्दै आएकोमा यसपटक विभिन्न सन्देश मुलक Playcard र Banner सहित इँतबु परिक्रमा गरिएको बताए ।
बालबालिकाहरुलाई सानै देखि वातावरणप्रती सकारात्मक सोच अभिवृद्धि गर्न र आफ्नो वातावरण प्रती उतरदायित्व बढाउन यस्ता कार्यक्रम गर्नु पर्ने र भविस्यमा पनि कार्यक्रमलाई निरन्तरता दिने कुरा ब्यक्त गरे।
स्कूलका शैक्षिक इन्चार्ज इन्दिरा आचार्यले प्राणी जन्मिएपछि त्यसलाई हुर्किन हावा, पानी , माटो, सबै स्वच्छ चाहिन्छ । स्वच्छ वातावरणमा हुर्केका प्राणी नै स्वच्छ हुन्छन त्यसैले पहिले वातावरण स्वच्छ पारौ हामी आफै स्वच्छ हुन्छन भन्ने कुरा बताईन् ।
इ.सि.ए. इन्चार्ज बिन्द्रा पंचले प्राकृतिक र सामाजिक वातावरणको बारेमा जानकारी दिन्दै यसको महत्व र यसलाई जोगाई राख्नु हाम्रो दायित्व , कर्तब्य भएको जनाईन् ।
स्कूलका शिक्षिका रचना तमखुले वातावरण स्वच्छ रहे हाम्रो भविष्य सुनिस्चित रहने बताईन् ।
मानिसमात्र यस्ता प्राणी हो जस्ले आफ्नो स्वार्थको लागि प्राकृतिक वातावरण सँग चुनौती खेल्दैछ र त्यस्को नतिजा वायु प्रदुषण, जल प्रदुषण, ध्वनी प्रदुषणका कारण प्राकृतिक प्रकोप बाढी पहिरो, महामारी, आगलागी, विभिन्न प्राण घातक रोगहरु फैलिरहेको कुरा कार्यक्रममा शिक्षक दिल सुवालले जोड दिए।
