काठमाडौं, जेठ २० । नेप्से परिसूचक आइतबार बढेको छ । यसअघि २ दिन कार्य दिन लगायत घटेपछि आज बजार बढेको हो । २ दिनमा नेप्से करिब ४३ अंकले घटेको थियो ।
आइतबार भने नेप्से परिसूचक १३.५१ विन्दुले बढेर २०८३.०४ अंकमा आएको छ । ४ अर्ब ३१ करोड रुपैयाँभन्दा बढीको सेयर कारोबार भएको छ । २ कम्पनीमा सकारात्मक सर्किट लागेको छ । १३ मध्ये १० समूहका सूचक बढेका छन् ।
आज ३२५ कम्पनीको ९६ लाख ९७ हजारभन्दा बढी कित्ता सेयर कारोबार भएको छ । २२ करोड ६४ लाख रुपैयाँसहित कारोबार रकममा नेपाल फाइनान्स अग्रस्थानमा रहेको छ । यसैगरी, दोस्रो र तेस्रो स्थानमा क्रमशः पोखरा फाइनान्स र फस्ट माइक्रोफाइनान्स परेका छन् ।
Published Date: 02 June 2024
