काठमाडौँ, जेठ १७ । एसियाकै धनाढ्य मुकेश अम्बानीको घरमा विवाहकाे माहाेल सुरू भएकाे छ । मुकेश र नीता अम्बानीका कान्छो छोरा अनन्त अम्बानीकाे विवाहका लागि अब केही दिन बाँकी छ । अम्बानीका कान्छो छोरा अनन्त अम्बानी उनकी मंगेतर राधिका मर्चेन्टसँग जुलाई १२ मा विवाह बन्धनमा बाँधिनेछन्।
यो विवाह समारोह मुम्बईमै हुनेछ । याेसँगै अम्बानी परिवारले तयार पारेको अनन्त-राधिका वेडिङ कार्ड पनि सार्वजनिक भएको छ । यसमा ईशा अम्बानीदेखि श्लोका अम्बानी र परिवारका अन्य सदस्यहरूको नाम लेखिएको छ र तीन दिनको पूरा तालिका पनि दिइएको छ।
अनन्त अम्बानी र राधिका मर्चेन्टको विवाहको याे कार्ड हेर्दा यो समारोह १२ जुलाईदेखि सुरु भएर १४ जुलाईसम्म चल्नेछ । विवाहका सबै कार्यक्रम मुकेश अम्बानीको मुम्बईको जियो वर्ल्ड सेन्टरमा हुनेछन्। कार्डका अनुसार पहिलो दिन, असार १२ गते शुभ विवाह समारोह (अनन्त-राधिका विवाह) हुने र त्यसका लागि भारतीय परम्परागत पाेशाकलाई ड्रेस कोड राखिएको छ ।
अर्को दिन १३ जुलाईमा आशीर्वाद समारोह हुनेछ र त्यसको लागि भारतीय औपचारिक ड्रेस कोड हुनेछ। जबकि मंगल उत्सव वा विवाह रिसेप्शन १४ जुलाईमा आयोजना गरिनेछ र पाहुनाहरू भारतीय आकर्षक ड्रेस कोडसहित आउनेछन्।
Published Date: 30 May 2024
