काठमाडौँ, जेठ १६ । क्रिकेटर सन्दीप लामिछानेलाई टी२० विश्वकप खेल्न जान अमेरिकाले भिसा नदिएको भन्दै अभियन्ताहरुले विरोध र्याली निकालेका छन् ।
लामिछानेलाई भिसा नदिइनु अन्याय भएको भन्दै आज अभियन्ताहरुले माइतिघरमा र्याली निकालेका हुन् । माइतीघरबाट नेपालस्थित अमेरिकन राजदूतावाससम्म शान्तिपूर्ण विरोध प्रदर्शनको कार्यक्रम गर्ने योजना छ ।
नेपाली क्रिकेट टिमलाई विश्वकपमा पुर्याएका सन्दीपले भिसा नपाउँदा अमेरिका जाने प्रकृया अन्यौलमा छ । यसअघि सन्दीपको भिसा २०२५ सम्म रहेकोमा उच्च अदालत पाटनबाट सफाइ पाएपछि भिसा रद्द भएको जानकारी गराइएको थियो।
त्यसपछि नयाँ प्रक्रिया सुरु गर्दा अमेरिकी दूतावासले उनको भिसा रिजेक्ट गरेको थियो। यसबीचमा क्यानका पदाधिकारीले नयाँ प्रक्रिया थालेको भन्दै मिडियामा बताए पनि त्यो सफल हुन सकेको छैन।
