मुम्बई, वैशाख २६ । अभिनेत्री कंगना रनौतले बलिउडमा आफूलाई महानायक अमिताभ बच्चनको जत्तिकै प्रेम तथा सम्मान प्राप्त भएको दावी गरेकी छिन् ।
भारतको राजनीतिमा कदम राखेकी यी अभिनेत्री हिमाञ्चल प्रदेशको मण्डी लोकसभा सीटबाट भारतीय जनता पार्टीको उम्मेदवारको रुपमा चुनाव लडिरहेकी छिन् । आफ्नो भर्खरैको चुनावी र्यालिको एउटा भाइरल भिडियोमा कंगनाले आफ्नो भाषणका क्रममा आफ्नो तुलना अमिताभ बच्चनसंग गर्दै गरेकोे देखिएको छ । यसका साथै कंगनाले राजनीतिमा सफलता पाएमा बलिउड छाड्ने संकेत पनि दिइन् ।
कंगनाले एक सञ्चार माध्यमसंग कुरा गर्दै भनेकी छिन्– ‘म फिल्ममा स्थापित भैसकेको छु, अभिनय गरेकी छु, निर्देशन पनि गरेकी छु । अहिले आएर मैले राजनीतिमा पनि सम्भावना देखेकी छु, मानिसहरु मसंग जाडिरहेका छन्, त्यसैले म राजनीति नै गर्छु । आईडियली म एउटै काम गर्न चाहान्छु । यदि मलाई मानिसलाई मेरो आवश्यकता छ भने म त्यहि दिशातर्फ अगाडि बढ्छु । मैले यदि मण्डीबाट जीत प्राप्त गरेँ भने म राजनीति नै गर्नेछु । मलाई धेरै फिल्ममेकरले राजनीतिमा नजान भनेका छन् । तर म मानिसले गरेको अपेक्षामा खरो उत्रन चाहान्छु ।’
