भक्तपुर, चैत ३० । आज २०८० सालको अन्तिम दिन अर्थात चैत्र शुक्ल मसान्त चैत ३० गतेको दिन । बिस्का: जात्राको चौथौं दिन आज भक्तपुरको योसीं खेल र तालाक्वमा योसीं उठाईदैछ।
भक्तपुरको तालाक्वामा अहिले बिहान हात नभएको योसीं ठड्यौदैछ छ भने आहै अपरान्ह भक्तपुरको भेलुखेलमा हाल भएको योसीं ठड्यौदैछ। भोलि २०८१ सालको पहिलो दिन अर्थात बैशाख १ गते योसीं खेलको योसीं ढाल्ने र भैरव भद्रकालीको रथ जुढाउने जात्रा हुन्छ ।
त्यसपछि क्रमशः अन्य ठाउँमा अन्य ठाउँमा पनि रथ वा खट जुढाउने जात्रा हुन्छ । जसमा बाराहीको टिप्वाजात्रा, इन्द्रजात्राको त्वारिवाः जात्रा, दुमाजुको कोलुक्यात जात्रा, ब्रम्हायणी माहेश्वरीको खः जात्रा, महाकाली महालक्ष्मीको खःजात्रा, जेठागणेश र बुल्चा भैरवको खःजात्रा, इनरे गणेश (सूर्यविनायक गणेश)को खःजात्रा आदि गरि भक्तपुर भरि र भक्तपुर बाहिर थिमी, बोडे, नगदेश, टोखा, सुनाकोठी, साँगा, धुलिखेल, चौकोट, श्रीखण्डपुर जस्ता ठाउँहरुमा समेत कतै योसीं उठाइन्छ, कतै स्थानिय देवदेवीहरुको जात्रा हुन्छ ।
