चरिकोट, माघ १२ । दोलखाको सदरमुकाम चरिकोट चरिघ्याङमा ‘होटल दृश्य’ सञ्चालनमा आएको छ । बाबुराजा शाहीले ३ करोड ५० लाख लगानीमा उक्त होटल सञ्चालनमा ल्याएको हो ।
होटलमा ११ वटा कोठाहरु रहेका छन् । यसमध्ये तीन वटा अफिसका लागि र बाँकी ८ वटा पाहुनका लागि छुट्याइएको छ । सबै कोठाहरु डिलक्स रहेका छन् । एटेच बाथरुम सहित विद्युतिय प्रविधिमा टु वे प्रणाली जडान गरिएको छ । होटलमा छुटै मिटिङ हलसमेत रहेको छ । जहाँ बर्थ डे सेलिव्रेसन, अन्य भेटघाट तथा कार्यक्रम गर्न सकिने छ । होटलको विद्युतिय लाइटमा मिट, लाइट र वाम प्रविधि जडान गरिएको छ ।
होटलमा थ्री फेज लाइन जडान गरिएको छ । विद्युतिय सवारी साधनका लागि समेत रिचार्ज गर्न मिल्ने प्रविधि होटलको अर्को सुविधा पनि छ । होटलभित्रका डेकोरेसनमा निर्माणम गरिएको सामान उच्च गुणस्तरिय (ग्रे नाइट) प्रयोग गरिएको छ । सो ठाउँबाट शैलुङ, कालिञ्चोक, गौरीशंकरको रमणीय दृश्य हेर्न सकिन्छ । चरिघ्याङ धार्मिक हिसावले प्रसिद्ध क्षेत्र हो । दोलखामा पर्यटन प्रर्वद्धनसँगै आन्तरिक तथा बाह्य पर्यटकका लागि होटल दृश्य पहिलो गन्तव्य हुने संचालक शाहीको विश्वास छ।
२०७८ मंसिर २२ गतेबाट होटल निर्माण सुरु गरिएको थियो । होटल निर्माण सम्पनसँगै सञ्चालनमा ल्याइएको छ । होटलको टपबाट सिंगो दोलखाको दृश्य ३६० डिग्रीमा हेर्न सकिने छ । हिउँ पर्दा र मौषम खुल्दा कालिञ्चोक,रोल्वालिङ हिमश्रृंखलालाई व्याग राउन्डमा राखेर तस्वीर खिच्न सकिने छ । बाइक पार्किङ, हेभि गाडि र लाइट गाडि सहजै पार्किङको व्यवस्था रहेको छ ।
विशेषगरी नेपाली अर्गानिक खाना पाइन्छ । थकालि खाना, कन्टिनेन्टल फुड, चाइनिज फुड, इन्डियन फुड पाइन्छ । साथै तामाकोशीको माछा समेत पाइन्छ । विभिन्न प्रकारका चिया र कफिको स्वाद समेत लिन सकिने छ । आन्तरिक तथा बाह्य पर्यटकको लागि पहिलो प्राथमिकता रहने छ शाहीले भनेका छन्।
