काठमाडौँ, माघ ११ । सेयर बजार लगातार दोस्रो दिन बढेको छ । बुधबार १०.३७ अंकले बढेको बजार २१८३.६२ विन्दुमा पुगेर रोकिएको हो । मंगलबार समेत बजार बढेको थियो । बुधबार दोस्रो बजारमा होटल तथा पर्यटन उपसमूहको परिसूचक सर्वाधिक बढेको छ। यस दिन सो उपसमूहको परिसूचक ३.६५ प्रतिशत अर्थात ११८.०२ अंक बढेर ३३४९.३८ विन्दुमा पुगेको छ।
जीवन बीमा र निर्जीवन बीमा उपसमूहको परिसूचक २ प्रतिशतभन्दा बढी बढेको छ भने जलविद्युत, लघुवित्त र म्युचुअल फण्ड उपसमूहको त्यसैगरी ५ स्टकको शेयर सकारात्मक सर्किट लेभलमा कारोबार भएको छ। यो संगै सेन्सेटिभ इण्डेक्स १.३० अंक घटेको छ भने फ्लोट इण्डेक्स ०.७७ अंक बढेको छ। सेन्सेटिभ फ्लोट इण्डेक्स भने ०.२१ अंक घटेको छ।
बुधबार २६१ स्टकको ५४ हजार ३७७ पटकको कारोबारमा ३ अर्ब ४६ करोड ६५ लाख ८ हजार रुपैयाँ बराबरको ९५ लाख ३२ हजार कित्ता शेयर खरिदबिक्री भएको छ।
