काठमाडौं, फागुन २० । आइतबार दिउँसो अचानक परेको वर्षाका कारण हवाई उडान प्रभावित भएको छ । अचानकको वर्षाका कारण पोखराबाट काठमाडौं आएको बुद्ध एयरको विमान काठमाडौं विमानस्थलमा अवतरण हुन नसकेपछि आकाशमै होल्ड भएको थियो । केही मिनेट अघिमात्र उक्त विमान त्रिभुवन अन्तर्राष्ट्रिय विमानस्थलमा अवतरण गरेको छ ।
त्यस्तै कोलकत्ताबाट काठमाडौं आइरहेको विमान एयर इण्डियाको विमान पनि सिमरा क्षेत्रमा धेरै समय होल्डमा परेपछि अहिले अवतरणको क्रममा छ ।
त्यस्तै विराटगरबाट काठमाडौं आइरहेको सौर्य एयरलाइन्सको विमान समेत सिमक्षा क्षेत्रमा लामो समयदेखि होल्डमा परेको छ । विमानस्थल स्रोतक अनुसार पानी पर्न रोकिए पछि विमानको उडान तथा अवतरण सुचारु भएको जनाएको छ ।
