काठमाडौँ, पुस ९ । भन्सार विभागका अनुसार मंसिरसम्म नेपालले ६३ अर्ब रुपैयाँ बराबरको बस्तु तथा सेवा निर्यात गर्यो।
चालु आर्थिक वर्षको पाँच महिनामा उक्त रकमको बस्तु तथा सेवा निर्यात हुँदा सबैभन्दा बढी गलैँचा र अन्य कपडा भुईँ कभरिङ, ऊन वा राम्रो जनावरको कपाल निर्यात भएको विभागको तथ्याङ्कमा छ।
मंसिरसम्म चार अर्ब ५३ करोड रुपैयाँ बराबरको गलैँचा र अन्य कपडा भुईँ कभरिङ, ऊन वा राम्रो जनावरको कपाल निर्यात भएको हो। जुन नेपालबाट निर्यात हुने बस्तुमा सबैभन्दा बढी हो। त्यसैगरी दोस्रोमा ठूलो अलैची परेको छ। मंसिरसम्म ३ अर्ब ९ करोड रुपैयाँ बराबरको ठूलो अलैची निर्यात भएको विभागले जनाएको छ। जुन निर्यात हुने वस्तुमा दोस्रोमा परेको छ।
पाँच महिनामा समग्र निर्यात भने घटेको छ। मंसिरसम्म ६३ अर्ब रुपैयाँको निर्यात भयो। जुन गत वर्षको सोही अवधिको तुलनामा ६.०९ प्रतिशत कम हो। गत वर्ष सोही अवधिमा ६७ अर्ब ३० करोड रुपैयाँ बराबरको निर्यात भएको थियो।
