मुम्बई, पुस ९ । सन् २०२३ अब केहि दिनमै हामीबाट विदा हुँदैछ । २०२४ लाई स्वागत गर्न विश्व समुदाय नै तयार भैसकेको छ ।
बलिउड कलाकारहरु पनि एक हप्तापछि प्रारम्भ हुने नयाँ वर्षलाई लिएर उत्साहित भएका छन् । यहि क्रममा यस वर्ष केहि बलिउड कलाकार पहिलो पटक आफ्ना जीवनसाथीका साथ नयाँ वर्ष मनाउन लागेका छन् ।
कियारा आडावाणी र सिद्धार्थ मल्होत्रा श्रीमान्–श्रीमतीको रुपमा पहिलो पटक नयाँ वर्ष संगै मनाउँदै छन् । दुवैले २०२३ को फेब्रुअरी ७ मा लामो प्रेम सम्बन्धलाई विवाहको रुपमा दिएका थिए । उनीहरु यो वर्ष संगै नयाँ वर्षको स्वागत गर्ने जोडि मध्येका एक हुन् ।
परिणीति चोपडा र राघव चढ्डाको विवाह सन् २०२३ को सेप्टेम्बर २४ मा भएको हो । परिणीति र राघवले पहिलो पटक एक साथ नयाँ वर्ष मनाउन लागेका छन् ।
आथिया शेट्टी र केएल राहुलले पनि आफ्नो प्रेम सम्बन्धलाई २०२३ को जनवरी २३ मा विवाहमा परिणत गरेका हुन् । दुवैले श्रीमान् श्रीमतीको रुपमा २०२४ लाई एक साथ स्वागत गर्ने भएका छन् ।
स्वरा भास्कर र फहाद अहमदले २०२३ को फेब्रअरीमा राजनेता फहादसंग विवाह गरेकी हुन् । विवाहपछि यो जोडिले पनि पहिलो पटकसंगै नयाँ वर्ष मनाउँदै छन् ।
शिवलिका ओबराय र अभिषेक पाठक खुदा हाफिजमा अभिनय गरेकी शिवालिका ओबराय र निर्देशक अभिषेक पाठक पनि विवाहपछि पहिलो पटकसंगै नयाँ वर्ष मनाउने जोडिमध्येका एक हुन् । दुबैले २०२३ को फेब्रुअरी ९ मा विवाह गरेका थिए ।
Published Date: 25 December 2023
