काठमाडौं, पुस २ । नेपाल बैंक लिमिटेडले खुल्ला प्रतिस्पर्धाबाट सीईओ नियुक्ति प्रक्रिया सम्पन्न गर्ने भएको छ ।
खुला आवेदनहरूको समीक्षा पछि, पाँच व्यक्तिहरूलाई उनीहरूको व्यावसायिक कार्य योजनाहरू प्रस्तुत गर्न र अन्तर्वार्ता लिन चयन गरिएको सञ्चालक समितिको सचिवालयले जनाएको छ । सबै पाँच उम्मेदवारको अन्तर्वार्ता यही पुस ४ गते हुने भएको छ ।
अन्तर्वार्ताका लागि छनोट हुनेमा अशोककुमार पौडेल, तिलकराज पाण्डे, ध्रुवचन्द्र गौतम, लक्ष्मण पौडेल र समता पन्त भट्टलाई आ–आफ्नो पेशागत कार्ययोजनासहित सहभागी हुन सूचित गरिएको छ ।
बैंकले खुल्ला प्रतियोगिता मार्फत असोज २१ गते दरखास्त आह्वान गरी सीईओ छनोट प्रक्रिया सुरु गरेको हो ।
Published Date: 18 December 2023
