भक्तपुर, मंसिर २६ । भक्तपुरको सुर्यविनायक नगरपालिका नलिन्चोकमा रहेको नयाँ हेलिप्याड निर्माण सम्पन्न भएर आज डेमो उडान गरिएको छ ।
प्राधिकरणको करिब ११ करोड ९० लाख लागतमा आर्थिक वर्ष २०७९/८० को साउनको १ गतेबाट सुरु गरी २०८० असार मसान्तमा सम्पन्न भएको उक्त हेलिप्याडमा आज डेमो उडान गरिएको हो ।
नेपाल नागरिक उड्डयन प्राधिकरण (क्यान) ले त्रिभुवन अन्तर्राष्ट्रिय विमानस्थलबाट नलिन्चोकमा हेलिकप्टर सञ्चालनको महत्त्वपूर्ण भागलाई छिट्टै स्थानान्तरण गर्ने तयारीमा रहेको छ।
मुख्यगरी काठमाडौंको पूर्व तिरको हेलीपोर्टमा क्षमता भन्दा बढी हेलिकप्टरहरु राख्ने गरिएको र त्यहाँ सुरक्षाको दृष्टिकोणबाट खतरा भएकोले एक वर्ष पहिला ३८ वटा हेलिकप्टर मध्ये २४ वटा हेलिकप्टर त्रिभुवन अन्तर्राष्ट्रिय विमानस्थलमा राख्ने र १४ वटा चाँहि काठमाडौंबाट बाहिर राख्ने निर्णय भएको थियो ।
Published Date: 12 December 2023
