काठमाडौं, मंसिर २६ । मंगलबार नेप्से परिसूचक ३६.८६ विन्दुले बढेर १९८५.४४ अंकमा आएको छ ।
आज ४ अर्ब ३० करोड रुपैयाँभन्दा बढीको सेयर कारोबार भएको छ । सूचीकृत सबै समूहका सूचक बढेका छन् । होटेल तथा पर्यटन, फाइनान्स, हाइड्रोपावर, जीवन बिमालगायतका समूहमा बढी चमक देखिएको छ ।
आज २९७ कम्पनीको १ करोड २४ लाखभन्दा बढी कित्ता सेयर कारोबार भएको छ । १८ करोड रुपैयाँभन्दा बढीसहित कारोबार रकममा शिवम् सिमेन्ट्स अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः सोना मिनरल्स एन्ड आयल लिमिटेड र रिलायबल नेपाल लाइफ इन्सुरेन्स परेका छन् ।
Published Date: 12 December 2023
