काठमाडौं, कार्तिक १९ । नेपाली चलचित्रकी चर्चित अभिनेत्री प्रियंका कार्कीले समुद्री तटमा खिचिएका केही आकर्षक तस्बिर सामाजिक सञ्जालमा सार्वजनिक गरेकी छन्। अभिनेत्री कार्कीले आफ्नो आधिकारिक फेसबुकमार्फत विकिनीमा सजिएका तस्बिरहरू पोस्ट गर्दै समुद्री किनारप्रतिको आफ्नो मोह व्यक्त गरेकी हुन्।
उनले तस्बिरसँगै लेखेकी छन्, ‘समुद्री किनारले बोलाइरहेको छ, म त जानैपर्छ ।’
समुद्री तटको पृष्ठभूमिमा खिचिएका उनका तस्बिरले सामाजिक सञ्जालमा ध्यान खिचेका छन्। प्रियंकाको यो पोस्टले उनको घुमफिरप्रतिको रुचि र समुद्री किनारसँगको आत्मीयतालाई झल्काएको छ।
नेपाली चलचित्र क्षेत्रमा आफ्नो अभिनय, व्यक्तित्व र सक्रियताका कारण चर्चामा रहने प्रियंका सामाजिक सञ्जालमा पनि उत्तिकै सक्रिय छिन्। उनी आफ्ना व्यक्तिगत जीवन, पारिवारिक पल, घुमफिर तथा चलचित्रसम्बन्धी गतिविधिहरू नियमित रूपमा फेसबुक र इन्स्टाग्राममार्फत सार्वजनिक गर्दै आएकी छन्।
समुद्री तटबाट सार्वजनिक उनका पछिल्ला तस्बिरले अभिनेत्रीको सुन्दर र रमाइलो पललाई प्रस्तुत गरेका छन्।
