भक्तपुर मंसिर २५ । नवौं अन्तर विद्यालय तेक्वान्दो (आइटिएफ) च्याम्पियनसीप सूर्यविनायक वडा ९ मा रहेको मदरल्याण्ड स्कुलले जित्न सफल भएको छ ।
आइटिएफ नेपालका अध्यक्ष लक्ष्मण बस्नेतले हरेक वर्ष गर्दै आएको च्याम्पियनसीप कोभिड-१९ को कारण २ वर्ष रोकिएको भए पनि पुनः निरन्तरता दिएको बताए।
तेक्वान्दो आईटीएफ नेपाल र क्वालिटी इङ्लिस बोर्डिङ स्कुलले नोभेम्बर ९, २०२३ मा ९औँ अन्तरविद्यालय तेक्वान्दो आईटीएफ च्याम्पियनसिप सफलतापूर्वक आयोजना गरेको छ ।
२१ व्यक्तिगत स्प्यारिङ र १२ व्यक्तिगत प्याट्रेन क्याटोगोरीको लागि एक दिनको कार्यक्रममा १३ विभिन्न विद्यालयहरूबाट २०६ खेलाडी र अधिकारीहरू सहभागी थिए।
टिम च्याम्पियन ट्रफीमा मदरल्याण्ड स्कुल भक्तपुरले ८ स्वर्ण, ४ रजत र ८ कास्य प्राप्त गरेको छ । आरक्षण स्कूल भक्तपुरले ५ स्वर्ण, ८ रजत र ५ कास्यसहित दोस्रो तथा सुनाखरी पाठशाला काठमाडौंले ५ स्वर्ण, ३ रजत र ८ कास्यसहित तेस्रो भएको छ ।
उत्कृष्ट खेलाडी अब्राहाम टोलाङ्गे (न्यु मोडेल एकेडेमी, काभ्रे) ले छात्र तर्फ र उत्कृष्ट खेलाडि रेजिना तामाङ (सुनाखरी पाठशाला, काठमाडौं)ले छात्रा तर्फ ब्यूटीफुल ट्रफी हात पारे ।
समापन समारोहमा प्रमुख अतिथि रमेश खरेल नेपाल प्रहरीका पूर्व नायब महानिरीक्षक, शनिस लागेजु राष्ट्रिय तेक्वान्दो संघका सचिव तथा हंसदा योग आश्रमका अध्यक्ष स्वामी नीलकण्ठ र अध्यक्ष स्वामी पञ्चशीलले पदक तथा ट्रफी वितरण गरेका थिए ।
विद्यालयका प्रधानाध्यापकहरुले मेडल ट्रफी र प्रमाणपत्र वितरण गरेका थिए । साथै क्वालिटी स्कुलका प्राचार्य श्री जीबी खड्काले सबै अम्पायर र अधिकारीहरूलाई मायाको चिनो प्रदान गर्नु भएको थियो ।
यस इभेन्टका टुर्नामेन्ट डाइरेक्टर तथा तेक्वान्दो आईटीएफ नेपालका अध्यक्ष मास्टर लक्ष्मण बस्नेतले बिजेता एवं सहभागी सबै विद्यार्थीहरूलाई बधाई दिए।
साथै यस्तो एकदिवसीय सुन्दर कार्यक्रमलाई सफल बनाउन सहयोग गर्ने सबैलाई धन्यवाद दिँदै नेपालमा आगामी कार्यक्रम फेब्रुअरी २४ र २५, २०२४ मा आयोजना हुन गईरहेको अस्ट्रेलियाका आईटीएफ़ मास्टर माइकल मुलेटा ८ औं डिग्रीबाट संचालन हुने आईटीएफ़ सेमिनार तथा चौथो एभरेष्ट खुल्ला अन्तर्राष्ट्रिय तेक्वान्दो च्याम्पियनसिपको लागी तयारी गर्न सबै सहभागीहरूलाई जानकारी गराएका थिए।
