भक्तपुर, कात्तिक १७ । नेपाल विद्युत प्राधिकरण, भक्तपुर वितरण केन्द्रले शनिबार बिहान ११ः०० बजेदेखि दिउसो १ः०० बजेसम्म भक्तपुरको केहि स्थानमा विद्युत सप्लाई बन्द हुने जनाएको छ ।
यसबर्षको दीपावलीमा निरन्तर विद्युत सुचारुको लागि उक्त वितरण केन्द्र अन्तर्गतको ११ के.भि. लाइनको मर्मत सुधार गर्नुपर्ने भएकोले शनिबार बिहान ११ः०० बजेदेखि दिउसो १ः०० बजेसम्म ब्यासी फिडर र नलिंचोक फिडर अन्तर्गतको ब्यासी, कमलविनायक, लिवाली, नलिंचोक, सिपाडोल, सुडाल र ताथली एरियामा विद्युत सप्लाई बन्द हुने जनाएको हो ।
साथै दिउसो १ः०० बजेदेखि ३ः०० बजेसम्म सूर्यविनायक फिडर र वृक फिडर अन्तर्गतको इटाछे, इनाचो, दुधपाटी, सल्लाघारी, कटुन्जे एरियामा विद्युत सप्लाई बन्द हुने पनि जानकारी गराएको छ ।
असुविधाको लागि भक्तपुर वितरण केन्द्र क्षमा समेत मागेको छ ।
Published Date: 03 November 2023
