काठमाडौं, कार्तिक १५ । सुनको भाउ लगातार ३ दिन घटेको छ । यो ३ दिनमा सुनको भाउ २ हजार रुपैयाँले घट्न पुगेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला १ हजार रुपैयाँले घटेर १ लाख १५ हजार रुपैयाँ कायम भएको छ । यसैगरी, तेजावी सुनको मूल्य तोलाको १ लाख १४ हजार ४५० रुपैयाँ निर्धारण भएको छ ।
यसअघि सोमबार र मंगलबार सुनको भाउ क्रमशः प्रतितोला ५००-५०० रुपैयाँले घटेको थियो । मंगलबार छापावाल सुन १ लाख १६ हजार रुपैयाँ कायम भएको थियो । यसैगरी, तेजावी सुनको भाउ तोलाको १ लाख १५ हजार ४५० रुपैयाँ निर्धारण भएको थियो ।
बुधबार चाँदीको भाउ पनि तोलामा ३५ रुपैयाँले घटेर तोलाको १३ सय ८५ रुपैयाँ कायम भएको छ । मंगलबार चाँदीको भाउ प्रतितोला १४ सय २० रुपैयाँ कायम रहेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
