काठमाडौँ, कात्तिक १२ । प्रधानमन्त्री पुष्पकमल दाहाल प्रचण्डले संयुक्त राष्ट्रसंघका महासचिव एन्टोनियो गुटेरेसको स्वागतमा आज सिंहदरवारमा रात्रिभोजको आयोजना गरेको छ ।
प्रधानमन्त्री प्रचण्डको मैत्रीपूर्ण निमन्त्रणामा नेपालको औपचारिक भ्रमणमा आएका महासचिव गुटेरेस रात्रिभोजमा सहभागी भए । सो अवसरमा महासचिवको कार्यदलका सदस्यहरु, नेपाल सरकारका मन्त्री, राजनीतिक दलका नेता तथा उच्च पदस्थ कर्मचारीहरुको सहभागिता थियो ।
चार दिनको नेपाल भ्रमणमा आउनुभएका महासचिव गुटेरेसले आज उच्चस्तरको राजनीतिक भेटघाट गरे । भोलि सोमबार पोखरा, कपिलवस्तु लगायतको ठाउँको भ्रमण गर्ने कार्यातालिका रहेको छ ।
Published Date: 29 October 2023
