काठमाडौँ, पुष २९। नेपाल राष्ट्र बैंकले आज एक सूचना जारि गर्दै नेपालमा बसेर विदेशमा लगानी गरे कारबाही हुने चेतावनी दिएको छ । उक्त जारि सूचना अनुसार नेपालमा बसोबास गर्ने कुनैपनि व्यक्तिले कुनै पनि किसिमले विदेशमा लगानी हुने गरि कुनै पनि कार्य नगर्न भनिएको हो।
राष्ट्र बैंकले भनेको छ ‘विदेशमा लगानी हुनेगरी घरजग्गा खरिद गर्ने, सम्पत्ति खरिद गर्ने वा विदेशी बैंक तथा वित्तीय संस्थामा निक्षेप जम्मा गर्ने लगायतका पुँजीगत प्रकृतिका कारोबार (यस बैंकले तोकेको व्यवस्था बमोजिम बाहेक) गर्ने गरेको पाइएमा कानुनबमोजिम कारबाही हुने छ ।’ विदेशी विनिमय ऐन २०१९ मा यससम्बन्धी व्यवस्था छ । राष्ट्र बैंकले नेपालमा बसोबास गर्ने कसैलई विदेशमा कुनै पनि तरिकाले भुक्तानी दिनेसम्बन्धी कार्य नगर्न र नगराउन पनि सचेत गराएको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
