गोरखा, असोज २५ । गोरखाको प्रसिद्व मनकामना मन्दिरलाई विश्व सम्पदा सूचीमा सूचीकृत गर्न स्थानीयले माग गरेका छन् ।
मन्दिरलाई विश्व सम्पदा सूचीमा समावेश गर्न पहल गर्न स्थानीयले संस्कृति, पर्यटन तथा नागरिक उड्डयनमन्त्री सुडान किरातीसँग आग्रह गरेका छन् । मन्त्री किराती मनकामना मन्दिर सरसफाई कार्यक्रममा सहभागी हुँदा स्थानीयले माग राखेका हुन् ।
सो अवसरमा मन्त्री किरातीले मन्दिरको संरक्षण, सुपरिवेक्षण र व्यवस्थापन स्थानीय सरकारलाई जिम्मेवार बनाउने गरी व्यवस्था गर्नुपर्ने बताए।
उनले मन्दिर क्षेत्रको विकासका लागि सरकारको तर्फबाट आवश्यक पहल गर्ने प्रतिबद्धता व्यक्त गरे ।
