काठमाडौँ, पुष २९। शहीद धर्मभक्त राष्ट्रिय प्रत्यारोपण केन्द्र, भक्तपुरमा १० वर्षमा एक हजार बिरामीको सफल मृगौला प्रत्यारोपण भएको छ । केन्द्रमा हाल दैनिक चार जनासम्मको मृगौला प्रत्यारोपण हुने गरेको छ । एउटा केन्द्रमा एक हजार जनाको मृगौला प्रत्यारोपण हुनुलाई ऐतिहासिक सफलता भएको उनले बताए । विश्वभरि नै मृगौला रोगको प्रकोप बढिरहेको भन्दै उहाँले रोगको पहिचान तथा उपचार र रोकथामका महìवपूर्ण उपायबारे नागरिकलाई सचेत गराउनुपर्नेमा जोड दिए।
डा. श्रेष्ठका अनुसार नेपालमा बर्सेनि करिब तीन हजार जनाको मृगौला फेल हुने गरेको छ । उनीहरूमध्ये धेरैको मृगौला प्रत्यारोपण हुन नसकेर मृत्यु हुने गर्दछ । गत १० वर्षको अवधिमा एक हजारको प्रत्यारोपण गरिएकोमा ९९ प्रतिशत सफलता मिलेको छ । प्रत्यारोपण क्षेत्रमा उच्चस्तरीय अध्ययन र अनुसन्धानको व्यवस्था गरी मुलुकको सातवटै प्रदेशमा प्रत्यारोपण सेवा विस्तार गर्न सकिने उनको भनाइ छ ।
सो प्रत्यारोपण केन्द्रमा २०६९ माघ ६ गते पहिलो पटक मृगौला प्रत्यारोपण भएको थियो । केन्द्रका निर्देशक डा. पुकारचन्द्र श्रेष्ठले सुरुमा प्रत्यारोपण गराउन बिरामी पाउनै मुस्किल रहेकोमा हाल तीन सय जना बिरामी प्रत्यारोपणको पालो पर्खाइमा रहेको जानकारी दिए । विश्व स्वास्थ्य सङ्गठनका अनुसार प्रत्येक १० जनामध्ये एक जनालाई कुनै न कुनै किसिमको मृगौला रोग लाग्ने गरेको अनुमान छ ।
