काठमाडौ, असोज २५ । सुनको भाउ आज प्रतितोला ७०० रुपैयाँले बढेको छ ।
नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ७०० रुपैयाँले बढेर १ लाख ९ हजार ५०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख ९ हजार रुपैयाँ निर्धारण भएको छ ।
यसअघि, बुधबार छापावाल सुन १ लाख ८ हजार ८०० रुपैयाँ कायम रहेको थियो । यसैगरी, तेजावी सुनको भाउ तोलाको १ लाख ८ हजार ३०० रुपैयाँ निर्धारण भएको थियो । यता, आज चाँदीको भाउ पनि प्रतितोला १० रुपैयाँले बढेर १३ सय ५० रुपैयाँ कायम भएको छ ।
बुधबार चाँदीको भाउ प्रतितोला १४ सय ४० रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस १ हजार ८७७.६ र चाँदी प्रतिऔंस २२.१२ डलरमा कारोबार भइरहेको छ ।
मुख्यतयः विश्व बजारमा सुनको मूल्य घट्दा वा बढ्दा त्यसको सीधा प्रभाव नेपालमा पनि पर्ने गरेको छ । यसबाहेक स्थानीय बजारको माग र आपूर्ति अनुपातले पनि भाउमा फरक परिरहेको हुन्छ । यस्तै, चाडपर्व, विवाह लगायतका समयमा माग बढी हुँदा स्थानीय जबारमा सुन चाँदीको भाउ बढ्ने गरेको पाइन्छ ।
Published Date: 12 October 2023
