काठमाडौँ, असोज २४ । रेखा थापाको फिल्म ‘उपहार’ कोे नयाँ प्रदर्शन मिती तय भएको छ । निर्माता र वितरकको योजना अनुरुप ज्ञानेन्द्र देऊजा निर्देशित उपहार माघ २६ गतेबाट प्रदर्शनमा आउनेछ ।
छायाँकनको अन्तिम चरणमा रहेको ‘उपहार’को दशैं लगत्तै गीत रिलिज गर्ने निर्माण युनिटको योजना छ । फिल्ममा अर्जुन पोखरेल र बबुल गिरीले संगीत सृजना गरेका छन् । विष्णु कल्पितको छायाँकन रहेको फिल्मका गीतहरुमा कविराज गहतराजले कोरियोग्राफी गरेका छन् । फिल्मको कथावस्तु र गीत संगीतले दर्शकको मन छुनेमा निर्माण टिमको ढुक्क छ । फिल्मको द्धन्द्ध निर्देशन रोशन श्रेष्ठले गरेका छन् ।
फिल्म ‘उपहार’मा रेखा थापा, बेनिशा हमाल र पूजा शर्माको मुख्य भूमिका छ । साथमा शिशिर राणा, मुकुन भूषाल, तेज गिरी, सर्मपण थापा लगायत अन्य कलाकारहरुको अभिनय छ ।
Published Date: 11 October 2023
