काठमाडौँ, असोज २४ । इजरायलमा रहेका नेपालीहरुलाई ल्याउन बुधबार राती नेपाल वायुसेवा निगमको वाइडबडी जहाज तेलअविव जाने भएको छ । दुबईको नियमित फ्लाइट सेड्युलमा रहेको जहाज त्यहाँ यात्रु झारेर इजरायल जान लागेको हो ।
काठमाडौं-दुबई-तेलअभिभ फ्लाईट साढे ११ बजे हुनेछ । २७८ सिट क्षमताको जहाजमा करिब साढे २ सय जना हाराहारी यात्रु काठमाडौं ल्याइने छ । त्यहाँ करिब ३ सय नेपालीले स्वेदश फर्किन अनलाईन आवेदन भरेका छन् ।
‘नेपाल सरकारको निर्देशनअनुसार हामी दुबईको उडानलाई इजरायलतर्फ लैजाने प्रक्रियामा छौं’ नेपाल वायुसेवा निगमका प्रवक्ता रमेश पौडेलले भने,’इजरायलबाट उद्धार गरिएका नेपाली राखेर दुबई हुँदै नेपाल ल्याइनेछ ।’