काठमाडौं, असोज २१ । परराष्ट्रमन्त्री एनपी साउदले नेपालका लागि इजरायलका राजदूत हानान गोदारसँग भेटवार्ता गरेका छन् । परराष्ट्रमन्त्री साउदले आइतबार गोदारलाई परराष्ट्र मन्त्रालयमा बोलाएर हमासले इजरायलमा गरेको आक्रमणबारे छलफल गरेका थिए।
छलफलमा उनले इजरायलको वर्तमान अवस्था, इजरायलमा रहेका नेपालीको सुरक्षा र आक्रमणमा परेका नेपालीको उपचार र उद्धारका विषयमा कुराकानी गरेका थिए ।
जवाफमा राजदूत गोदारले नेपालीको सुरक्षाका लागि इजरायली सरकारले पूर्ण पहल गर्ने, उपचारका लागि आवश्यक पहल गर्ने र उद्धार कार्य गर्ने प्रतिबद्धता व्यक्त गरे ।
राजदूत गोदारले इजरायलको कठिन समयमा सहयोग र ऐक्यबद्धताका लागि नेपाल सरकारलाई धन्यवाद पनि दिए।
Published Date: 08 October 2023
