भक्तपुर, असोज १९ । काठमाडौँ उपत्यकाका ५ वटा नगरपालिकाहरुले जग्गा फुकुवाको लागि ध्यानआकर्षण पत्र लेखेका छन्।
उपत्यकाका पूर्वी पाँचवटा नगरपालिकाहरू कागेश्वरी महोहरा, शंखरापुर, मध्यपुर थिमी, चाँगुनारायण नगरपालिका र सूर्यविनायक नगरपालिकाले संयुक्त रूपमा बैठक बसेर प्रधानमन्त्री तथा मन्त्री परिषद् सिंहदरबार, भूमि व्यवस्था, सहकारी तथा गरिबी निवारण मन्त्रालय सिंहदरबार, काठमाण्डौं उपत्यका विकास प्राधिकरणलाई जग्गा फुकुवाको लागि ध्यानआकर्षण पत्र लेखिएको हो।
बैठकले शहरी विकास मन्त्रालयले रोक्का गरि राखेको जग्गा तत्काल फुकुवा नगरेमा स्थानीय सरकारको अधिकार बमोजीम जग्गा कित्ताकाटको सिफारिस गर्न स्थानीय सरकार अगाडि बढ्ने निर्णय समेत गरिएको छ ।
